Zërat për një përballje ligjore mes dy ish-banoreve të reality show-t “Big Brother VIP” kanë qarkulluar gjerësisht në rrjet. Por çfarë ndodhi realisht?
Në një intervistë të dhënë së fundmi në emisionin “Mos i bjer me top”, Valbona Mhilli – ish-banore e “BBVA4”, ndau përvojën e saj nga eksperienca në shtëpinë më të famshme në Shqipëri.
Gjatë intervistës, ajo iu rikthye një deklarate të bujshme të dhënë nga Shqipe Hysenaj – ish-banore e “BBVK” dhe opinioniste në “Fan Club” – e cila aludoi se Valbona kishte një lidhje jashtë formati.
Kjo deklaratë ndezi rrjetin, sidomos duke qenë se gjatë kohës së saj në shtëpi, Valbona kishte shfaqur një simpati për aktorin Laert Vasili – një afeksion që, sipas saj, nuk zgjati përtej mbarimit të spektaklit.
Por a do të ketë pasojë ligjore kjo deklaratë? E pyetur nëse do të padiste Shqipen, Valbona e bëri të qartë qëndrimin e saj:
“Nuk do ta hedh në gjyq sepse ato që kisha për t’ia thënë ia thashë në surrat, në ‘Fan Club’. E kam ftuar këtu të sjellë fakte për këtë lidhje imagjinare.”
Me këtë përgjigje të prerë, Valbona mbylli çdo mundësi për një betejë ligjore, duke e kthyer vëmendjen tek e vërteta që ajo pretendon të ketë treguar publikisht.
