Historia e dashurisë mes Roelës dhe Vedatit, që nisi në ekranet e “Përputhen”, ka kaluar në një tjetër kapitull të veçantë. Çifti njoftoi se janë në pritje të fëmijës së tyre të parë dhe ndanë emocionet me ndjekësit në një festë të organizuar me dashuri dhe detaje të kuruara.
Dekorimet me temën “boy or girl?” dhe atmosfera e ngrohtë i dhanë festës një ndjesi intime e njëkohësisht festive. Mes të qeshurave dhe përqafimeve, u bë edhe zbulimi i gjinisë së foshnjës — një moment që emocionoi jo vetëm çiftin, por edhe miqtë e pranishëm dhe ndjekësit në rrjetet sociale. Vedati dhe Roela presin një vajzë!
Në kulmin e emocioneve, një tjetër surprizë priti Roelën: Vedati vendosi t’i propozojë për martesë. Propozimi erdhi në mënyrë spontane, mes duartrokitjesh dhe entuziazmit të të gjithë të ftuarve.
