Fevzije Berani, e njohur si Gili, dhe djali i saj, Redon Berani, e nisën rrugëtimin e tyre në Big Brother VIP si një konkurrent i vetëm. Por, vetëm pas gjashtë ditësh, ata vendosën të largohen nga gara.
Në një deklaratë të bërë nga Gili, arsyeja kryesore për këtë vendim ishte pamundësia e Redonit për të përballuar izolimin. “Redoni nuk mundet të përballojë izolimin dhe unë dua të vazhdoj me familjen time,” u shpreh ajo.
Nënë e bir u pritën me shumë dashamirësi nga publiku, duke u parë si një dyshe unike dhe interesante. Pavarësisht kohës së shkurtër në shtëpinë e BBVA, ata arritën të lënë një përshtypje pozitive te shikuesit.
Lajmi për tërheqjen e tyre u bë publik nga faqja zyrtare e Big Brother VIP Albania, ku ndjekësit nuk ngurruan të shprehnin mbështetjen dhe miratimin e tyre për vendimin e marrë. Komentet ishin të mbushura me fjalë pozitive dhe inkurajuese, duke treguar dashurinë që publiku ndiente për ta.
.
