Kelvi Kadilli dhe Dojna Mema janë dy prezantuesit simpatikë të emisionit ‘Pop Culture’. Ata kanë treguar se dinë të kenë afrimitetin e nevojshëm për të realizuar emisionin në mënyrën e duhur. Dy të rinjtë shpesh shihen në praninë e njëri-tjetrit dhe disa herë është aluduar për një lidhje të mundshme, pasi në puntatën e parë të emisionit ata shkëmbyen puthje në buzë duke u justifikuar se e bënë këtë veprim për ‘të kopjuar’ prezantuesit e “Fiks fare”, të cilët para një viti bënë të njëjtën gjë. Aludimet u përforcuan edhe më shumë kur në ditën e Krishtlindjeve ata vendosën të postojnë një foto provokuese ku dukeshin mjaft afërt. Megjithatë lidhur me dy rastet e lart përmendura Kelvi dhe Dojna nuk kanë pranuar asgjë konkrete. Por me siguri këtë herë me postimin e fundit, sot në ditën e të dashuruarve, ata janë duke ringritur dyshimet. Një foto mjaft sensuale e postuar nga Kelvi me mbishkrimin, “Ferri i dashurisë, Valentin” i ka bërë mediat të shkruajnë përsëri për ta. Mos ndoshta kjo foto plot dashuri dhe sensualitet është një mënyrë zyrtarizmi e lidhjes së tyre? /revistawho.com
