Nga Rudina Laka/Pas një viti të ngarkuar me punë dhe projekte, këngëtarja Alma Bektashi ka vendosur të pushojë maksimalisht për një muaj të tërë.
Nga pamjet që artistja ka ndarë me ndjekësit e saj në rrjetet sociale shihet se së bashku me bashkëshortin dhe fëmijët kanë pushuar në Zakynthos, një prej ishujve më të bukur të Greqisë.
E kontaktuar nga ‘revistawho.com’, Bektashi ka treguar më tepër për këto pushime por edhe për projektet e saj të afërta në televizion.
‘Kam patur vetëm 1 muaj pushim por arrita ta shfrytezoj në maksimum. Sa për projekte, kam ftesë për projekte të ndryshme dhe të gjitha janë te tipit show-spektakle, por të them të drejtën janë dy që më duken shumë interesant dhe jam në dilemë të madhe.’- ka treguar këngëtarja.
Kujtojmë se Alma Bektashi është një artiste shumë e dashur për publikun, sidomos pas gjykimeve profesionale dhe njerëzore që ka dhënë sa herë ka qenë pjesë e jurive në spektaklet e talenteve./revistawho.com
