Jemi mësuar që në ekranet shqiptare të shohim vajza të bukura dhe të kuruara deri në detajet më të hollësishme. Ndryshimet e tyre na kanë rënë gjithmonë në sy, por gjithashtu dhe përshtatjet me njëra-tjetrën. Thonë se dy të kundërta tërhiqen, kështu ka ndodhur dhe me këto vajza. Disa kanë qëndruar bashkë në emisione të ndryshme, disa janë shoqe dhe jashtë ekraznit, ndërsa disa të tjera jo. RevistaWho.Com përmes këtij artikulli ju kujton disa nga dyshet “brune-bionde” që janë dalluar gjithmonë:
Arbana Osmani dhe Xhemi Shehu
Arbana dhe Xhemi janë shoqe për kokë, që prej shumë vitesh nuk ndajnë vetëm profesionin e njëjtë, por edhe përditshmërinë. Janë shumë të pandashme nga njëra- tjetra. E kujt ja merrte mendja që nga emisioni “E diell” do të lindte një miqësi kaq e fortë? Brunia Arbana dhe biondia Xhemi duket se kanë gjetur gjuhën e përbashkët dhe të gjithë i duan kaq shumë.
Marina dhe Luana Vjollca
Në fillim në ekran u shfaq Marina si një nga velinat bionde të “Fiks Fare” dhe një vit më pas Luana po si velinë brune. Vitet do të kalonin dhe motrat do të dalloheshin si brunia me bjonden. Derisa karriera e tyre avancoi dhe Luana zgjodhi të bëjë ndryshimin drastik, të kthehet në bionden seksi, të cilën nuk qendrojmë dot pa e parë çdo të shtunë në mbrëmje në “Top Channel”.
Fatma dhe Aulona
Të dyja prezantueset janë shembulli më tipik kur shqëria mund të ndajë gjithçka, punën, pasionet, familjet. Fatma dhe Aulona po bëjnë vite që janë të pandara. Madje dhe fëmijët i sollën në jetë vetëm pak ditë njëra pas tjetrës. Fatma një kaçurrelse bionde dhe Aulona një brune tipike na kanë bërë që me shoqërinë e tyre t’i kemi vërtetë zili.
Nevina Shtylla dhe Fjoralba Ponari
Teksa rikthehemi tek “E diell”, kujtojmë ky emision pritet të vijë sërish shumë shpejt në ekranin e “Top Channel”. Prezantueset që do të shoqërojnë Edi Manushin çdo javë do të jenë dy vajzat simpatike, Fjoralba dhe Nevina. Bukuroshet, njëra bionde e tjetra brune, duket se do të na kënaqin me thjeshtësinë e tyre. Mund të përmendim po ashtu se Fjoralba me Nevinën janë bërë dhe shumë shoqe, ndaj urojmë të qendrojnë kështu gjithmonë.
Kiara Tito dhe Liesa Haxhiasllani
Fillimet e tyre të dyja vajzat i kanë patur në provën që i duhet të kalonin në “Top Select” çdo mbasdite. Kiara brune në atë kohë dhe Liesa bionde, duket që u afruan shumë dhe gjithçka zgjati dhe pas studiove të “Top Channel”. Edhe pse sot Kiara është kthyer në bionde dhe shoqet nuk janë më në një televizion, duket që vazhdojnë ta ruajnë raportin miqësor.
