Kryeministri Edi Rama ka deklaruar sot nga mbledhja e jashtëzakonshme e qeverisë, pas konfirmimit zyrtar të dy rasteve të para me koronavirus në vendin tonë, se u vendos të bëhet mbyllja e institucioneve arsimore për dy javë. Gjithashtu ai më tej shtoi se do anullohen dhe fluturimet drejt veritut të Italisë deri me 3 prill.
“Masat e sotme, gjithnjë në ndjekje të protokollit të përcaktuar janë pezullimi i fluturimeve direkte nga Veriu i Italisë dhe me të gjitha zonat e kuqe deri në datën 3 prill, mbyllja e institucioneve arsimore për 2 javë për të ndaluar përhapjen e pastaj vlerësimi më tej”, tha kryeministri Rama.
Sipas tij, sistemi ynë shëndetësor dhe të gjitha strukturat e përfshira në planin e masave janë në gatishmëri për të përballur situatën hap pas hapi dhe se çdo gjë është në kontroll.
