Dyshimi, Arilena dhe Sardi të dashuruar?

Ata u njohën e u afruan shumë përgjatë pjesëmarrjes në spektaklin e vallëzimit “Dance with me”. Afrimi midis këngëtares Arilena dhe DJ Sardit ra në sy jo pak herë. Një foto ku bukuroshja nga Shkodra ulej në prehërin e DJ simpatik i cili e puthte në qafë, hodhi dyshime për një lidhje midis dy të rinjve. Mirëpo të dy nxituan ta mohojnë, duke deklaruar se janë vetëm miq të mirë. Dhe ja ku vjen konfirmimi pas disa muajsh, ose të paktën kështu thuhet… Ka zëra se ata janë të lidhur dhe shumë të dashuruar. Flitet se Sardi dhe Arilena tregohen shumë diskretë në takimet e tyre me qëllim që të qëndrojnë larg syve kuriozë. Këto janë thashethemet që qarkullojnë për dy artistët, teksa pritet që vetë ata të tregojnë të vërtetën.