Diedoni i ‘Big Brother Albania’, ka kohë që ka pranuar publikisht ndarjen nga ish e dashura e tij Alba, me të cilën u lidh gjatë qëndrimit në shtëpinë e BB. Në anën tjetër Xhensila dhe Fatjoni, të cilët po ashtu lidhjen e filluan gjatë spektaklit, megjithëse kanë pohuar se janë ndarë shihen shpesh bashkë. Por, gjatë emisionit të fundit të “1 kafe me mamën” në Kosovë ku Diedoni ishte mysafir së bashku me Valerin, një konkurent tjetër edicioneve të kaluara të Big Brother na hedh dyshimet diku tjetër. I pyetur nga Big Mama nëse e ka harruar tashmë Albën, përgjigjen Diedonit ia mori Valeri, i cili tha se “Po si mos ta harrojë, tani ka filluar të takohet me Xhensilën”. I njohur për natyrën e tij të qetë ai e mohoi të ketë diçka mes tij dhe Xhensilës. Por disa fotografi të siguruara nga Telegrafi na tregojnë dyshen shumë të afërt me njëri-tjetrin në prapaskenat e spektaklit “Zhurma show” ku ndanë një çmim së bashku.
