Britney Spears i ka kërkuar falje Justin Timberlake për shkak të zbulimeve që ajo vetë bëri për lidhjen e tyre të dashurisë në librin e saj autobiografik.
Këngëtarja bëri akuza të rënda kundër këngëtarit në librin e saj të kujtimeve, duke përfshirë kritikat ndaj këngës së tij të vitit 2002, “Cry Me a River” e cila nga fansat është interpretuar gjithnjë si një dedikim për këngëtaren.
Në vitin 2018, Justin Timberlake tha se ishte aq i lënduar pas ndarjes, saqë i shprehu ndjenjat e tij duke shkruar këtë këngë në vetëm dy orë.
Në libër ajo akuzoi gjithashtu atë se e kishte tradhtuar gjatë lidhjes së tyre.
Britney duket se është penduar për ato që ka shkruar dhe ka bërë në një postim në “Instagram” ku tha se i vinte keq për gjërat që kishte shkruar ndërsa komplimentoi Justin-in për dy këngët e tij të reja.
