Ditën e djeshme Genc Prelvukaj publikoi këngën e tij, “Orhidea” në bashkëpunim me artistin e ri ESTTO. Kjo këngë, e cila përshtatet me ritmet verore, u prit shumë mirë nga publiku. Megjithatë disa e kanë akuzuar Gencin se kënga ka arritur suksesin vetëm falë titullit “Orhidea”, që është e njëjtë me emrin e vërtetë të këngëtares së njohur, Kida. Dikush nga fansat e këngëtares ka shkruar në komentet në rrjete sociale se Prelvukaj dëshiron të krijojë famë me emrin e Kidës. “Duke u munduar të bësh pak famë me emrin e Kidës”, ka shkruar një fanse e artistes. Gencit nuk i ka kaluar pa e vënë re këtë koment, ndaj ai ka vendosur t’i përgjigjet personit në fjalë publikisht. “Fëmijë të dashur, Orhidea është familje e luleve e pastaj emër njeriu”, ka shkruar Prelvukaj në ‘Instastory’ duke qeshur me ironi.
Të tilla komente nga rrjetet e fansave të personazheve të njohur janë të zakonta dhe ndonjëherë për shkak të dashurisë së madhe shpesh të ekzagjeruara. Kujtojmë se kohët e fundit Genc Prelvukaj ka qenë mjaft aktiv në muzikë dhe çdo këngë e tij është kthyer në hit në një kohë shumë të shkurtër. /revistawho.com
