Bukuroshja shqiptare, Almeda Abazi prej kohësh është zhvendosur në Turqi ku ka krijuar dhe jetën e saj bashkë me aktorin turk, Tolgahan me të cilin ka dhe një djalë.
Almeda është mjaft aktive në rrjetet e saj sociale dhe shpesh herë detyrohet që të flasë turqisht. Por si duket kjo gjë i ka bezdisur ndjekësit e saj shqiptarë, të cilët e kanë akuzuar Almedën se e ka harruar shqipen. Ajo nuk ka duruar më dhe së fundmi në Instastoryn e saj ka një përgjigje për të gjithë ata që e kanë akuzuar.
“Oh Zot! Kush tha që e kam harruar shqipen??? Çdo javë, këto mesazhe marr nga ju, sa herë bëj videon. Kur është për të fol shqip, flas shqip. Video ka të bëjë me një marke turke, prandaj, detyrimisht flas turqisht (duke mos harruar që jetoj në Stamboll, Hello!!!) Nuk ju kam harruar asnjëherë dhe shumicën e rasteve flas dhe shqip. Vetëm se hedh një video turqisht në javë, nuk është nevoja të më vini në pikën e sharjeve. Unfollow po s’të pëlqeu se nuk kam as nerva”, shkruan Almeda.
Kujtojmë se ajo jo vetëm që nuk e ka harruar gjuhën shqipe, por ka treguar se dhe djalit të saj Efehan shumicën e kohës i flet shqip.
