Sonila Meço prej disa vitesh nuk është prezente në ekran, megjithatë ajo është shumë aktive në rrjete sociale. Gazetarja publikon shpesh edhe copëza nga jeta e saj private, sidomos me të bijën e saj, Amaris. Ditën e sotme e vogla e saj feston 7-vjetorin e lindjes dhe sigurisht nuk mund të mungonte një urim nga Sonila. Në këtë ditë të veçantë, ajo e këshillon të bijën të dojë gjithçka në jetë dhe i premton se do t’i ketë mamin dhe babin gjithmonë pranë.
“Gëzo jetën e mira jonë! Lumturo kë me shpirt do e të do, do duash e do të të dojë! Mëso nga gjithçka mundesh! Unë e babi ndërkohë do lëkundemi çdo 4 nëntor mes dëshirës për të patur gjithmonë bebushin tonë të vogëlth dhe kureshtisë për të parë gjithë gjërat e mira që do bësh teksa rritesh. Jetofsh bukur Amaris!”, – ka shkruar Sonila bashkangjitur fotografisë së vajzës së saj. Kujtojmë se Amaris është vajza e vetme e gazetares së njohur. /revistawho.com
