Ivanka Trump dhe vajza e saj, Arabella, morën pjesë në koncertin e fundit të Taylor Swift në Miami, Florida, duke shijuar atmosferën, pavarësisht faktit se Swift mbështet Kamala Harris në zgjedhjet presidenciale, ku Harris garon kundër Donald Trump.
Sipas burimeve të Page Six, Ivanka e çoi Arabellën në koncert bashkë me disa shoqe, duke i dhënë vajzës mundësinë të shohë një nga artistet e saj të preferuara. Ky gjest dëshmon për lidhjen e fortë mes nënës dhe vajzës, ndërsa Arabella duket të jetë një adhuruese e madhe e Swift.
Nga ana tjetër, Donald Trump ka një mendim krejtësisht ndryshe për Taylor Swift. Në një postim në Truth Social, ai shprehu urrejtjen për këngëtaren, pasi ajo mbështeti Harris dhe foli hapur kundër Trump.
Duhet thënë se influenca e një këngëtareje me përmasat e Swift tek votuesit e rinj nuk është e vogël ndaj ky veprim i nxituar i vajzës së Trump nuk mund të kalonte pa u vënë re.
