Sapo ka publikuar videoklipin e saj më të ri të këngës me titull “A ma jep” dhe ka rrëmbyer menjëherë zemrat e publikut.
Bëhet fjalë për këngëtaren Argjentina Ramosaj e cila publikon herë pas herë produksione muzikore dhe gjithmonë vjen me një stil të veçantë.
Këtë herë këngëtarja duket se ka zgjedhur të vishet sportive dhe me ngjyra duke prezantuar një stil sa retro edhe modern.
Elementët që bien në sy janë pantallonat e shkurtra të cilat, si stil i futi Kim Kardashian dhe syzet me ngjyrë që ja kemi parë vajzave të cilat janë imazh i shtëpive më të famshme të modës në botë.
Ndërkohë që në pjesë të veçanta të klipit këngëtarja shfaqet edhe me element klasik siç është fustani i bardhë në material tantelle.
Edhe këtë herë, këngëtarja i ka mëshuar detajit për të qenë sa më speciale dhe ka zgjedhur biçikletën me të cilën ecën në hapsirat dhe fushat e gjera.
Argjentina, ndryshe nga koleget e saj këngëtare, sjell rrallë videoklipe, por duket se ato i mendon mirë përpara se t’ua prezantojë fansave të saj./revistawho.com
