E bukura Claudia Cardinale e cila është rikthyer në një serialin italian “Il bello delle donne” pas 14 vitesh mungesë në televizon, ka thënë disa fjalë që duken si leksion jete për çdo femër. Me një bukuri krejtësisht natyrale, aktorja thotë se i ka qëndruar larg ndërhyrjeve. “Mos më flisni për kirurgji plastike. Jam retro (me të vjetrën). Nuk do të duroja dot ta shihja veten në mëngjes në pasqyrë e të mos e njihja”, ka thënë ajo. Më tej artistja ka folur për forcën e gruas. “Kur isha e vogël zihesha me grushta me meshkujt dhe isha e bindur se femrat janë më të forta”. Në fund Cardinale tregon se iku nga Italia për të jetuar në Paris se nuk i duronte dot paparacët duke dhënë edhe këshillën e saj për dashurinë: “Mos u martoni kurrë”!/ revistawho.com
