Futbollisti i kombëtares, Taulant Seferi ishte i ftuar në “Më Lër të Flas”, ku tregoi se prej katër vitesh është në lidhje me një vajzë shqiptare që jeton në Zvicër. Futbollisti tha se ajo bëhet xheloze në disa raste për videot virale që janë bërë në rrjete sociale nga vajzat, por ka arritur të gjejë zgjidhjen.
“Ajo jeton në Zvicër. Ka katër vite që jemi bashkë. I ka parë ajo të gjitha memet, domethënë ndonjëherë bëhet xheloze për këto videot virale në TikTok por unë i kaloj me sportivitet. I kam dhënë sigurinë. Unë jam shumë i lumtur”, tha Seferi.
I pyetur nëse ka në plan dasëm apo fejesë, ai u përgjigj: “Akoma jo, besoj që në një të ardhme jo shumë të gjatë do të kemi diçka”.
