Këngëtarja e njohur, Ariana Grande ka qenë duke shijuar karantinën me të dashurin e saj, Dalton Gomez. Pyetja që i ka bërë kureshtarë të gjithë është fakti se cila është jeta e Gomez, pasi në dallim nga Grande ai nuk është një personazh publik.
Sipas ‘People’ Dalton është një agjent shitjesh, fakt ky që e ka lidhur edhe me Ariana Granden pas një shitjeje në Los Angeles. Aktualisht dyshja është vetizoluar në shtëpinë e Grande në Los Angeles së bashku me miqtë e saj.
“Ariana po qëndron në shtëpi me miqtë. Ajo e ka marrë shumë seriozisht distancimin social dhe ka qëndruar me të njëjtët njerëz gjatë gjithë kësaj kohe. Ajo po e shfrytëzon këtë kohë për të shijuar lidhjen me Dalton, me të cilin dëshiron të ketë një lidhje sa me private dhe larg vëmendjes së mediave”, kanë treguar burime për ‘People’. Ata kanë shtuar se këngëtarja ndihet mjaft e dashuruar me Dalton pas kaq kohësh me të./revistawho.com
