Pas lindjes së djalit , Tian, Tuna u shkëput nga muzika për t’u kujdesur me kohë të plotë për vogëlushin. Kënga e fundit e këngëtares është publikuar në vitin 2016 dhe mbante titullin “Duam”. Kënga u vlerësua mjaftueshëm për peshën e rëndë emocionale që përcolli dhe mesazhin e tekstit. Ditën e sotme Tuna ka shënuar rikthimin e saj dhe kjo këngë padyshim është mjaft e goditur. Revista ”Class” ka zbuluar kuptimin e fjalës “Chonga” dhe me këtë titull Tuna tregon shumë rreth karakterit të saj.
‘Chonga’ është një fjalë që vjen nga spanjishtja, por përdoret shumë edhe në Florida, Miami, për të identifikuar një grua punëtore, të thjeshtë, por ndonjëherë edhe agresive dhe shpërthyese. Një vajzë ‘Chonga’ është e njohur për formën e saj të lirë të veshjes, një kombinim mes ‘gangstalook’ dhe ekstravagantes, por edhe mund të ndryshojë mes këtyre të dyjave. Ajo mund të vishet me rroba të gjera, me vathë të mëdhenj, të cilat bien në sy jo vetëm për ngjyrat, por edhe për stilin e pazakontë.
Me pak fjalë me anë të këtij titulli Tuna dëshiron të tregojë se i pëlqen ta thërrasin “Chonga”./revistawho.com
