Një situatë e papritur ka ndodhur mbrëmjen e djeshme në shtëpinë e Big Brother VIP Kosova 3, ku Atilla Kardesh, ish-bashkëshorti i modeles dhe këngëtares së njohur Drenusha Latifi, është bërë pjesë e programit si banor.
Ky zhvillim ka shkaktuar reagime të shumta në publik dhe media, duke qenë se Drenusha e ka akuzuar ish-partnerin për dhunë fizike.
Latifi dhe Atilla kanë dy fëmijë së bashku, dhe ndarja e tyre u diskutua gjerësisht në media. Drenusha e cila akuzoi publikisht Atillan për dhunë duke ndarë dhe disa fotografi ku ajo shfaqet me shenja dhe të nxira.
Në atë kohë, asaj iu dha një urdhër mbrojtjeje kundër ish-bashkëshortit.
Futja e Atilla Kardesh në shtëpinë e Big Brother VIP Kosova ka shkaktuar shumë diskutime në opinionin publik, me shumë nga ata që pyesin si u lejua pjesëmarrja e tij në emision, duke marrë parasysh historinë problematike të marrëdhënies së tij me Drenushën dhe faktin që ajo e kishte denoncuar për dhunë.
