Lajmi trishtë vjen këtë mëngjes për gazetarin e njohur Kosta Grillo, i cili e ka humbur betejën e tij të gjatë me Covid.
Lajmi është konfirmuar këtë mëngjes, ndërsa Grillo ndodhej që nga gushti i këtij viti në Turqi për trajtim të specializuar pas infektimit me virusin që u ka marrë jetën miliona njerëzve në mbarë botën.
Javë më parë u tha se gjendja e komentatorit të njohur sportiv duket se kishte përmirësim, por komplikacionet e shkaktuara nga virusi duket se e kanë bërë të pamundur betejën për jetën.
Grillo udhëtoi drejt Turqisë në 12 gusht, ndërsa prej 27 gushtit ndodhej në terapi intesive, në gjendje të rëndë.
Lajmin e hidhur për ndarjen e tij nga jeta e ka dhënë miku i komentatorit, Ervin Petraq Baku, i cili shkruan se “Vëllai ynë nuk ja doli dot. Të ndrittë shpriti Kosta Grillo”./revistawho.com
