Kjo e dielë, me siguri një pjesë të mirë të njerëzve i ka mbyllur në shtëpi. Duke qenë se për shumë nga ju është e vetmja ditë pushimi, e diela duhet mbushur patjetër me aktivitete që të bëjnë të ndihesh mirë. Ne ju zbulojmë disa mënyra si të jeni të lumtur dhe të mbushni të dielën tuaj edhe duke qëndruar në shtëpi.
Pastro dhomën tënde
Me siguri gjatë javës nxiton dhe nuk ke asnjëherë kohë të pastrosh dhomën. Këtë të dielë dedikoji edhe pak kohë pastrimit. Na besoni kur ju themi se java do të nisë shumë pozitive nëse i kushtoni rëndësi këtij detaji.
Bëhu shef për një ditë
Bëji vetes qefin dhe gatuaj çdo gjë që të kërkon nepsi gjatë ditës. Mënyra më e mirë për të shijuar të dielën është të hash ato që të pëlqejnë.
Qëndro larg internetit për një ditë
Kur thonë se të qëndrosh larg mediave sociale për një ditë është luks, me siguri të gjithë e besoni. Ne ju sugjerojmë që të dielave t’ia lejoni vetes këtë distancim.
Lexo
Me siguri shumë rrallë gjeni kohë për t’iu përkushtuar leximit kështu që shfrytëzojeni të dielën për pak qetësi në shoqërinë e një historie të bukur.
Shpenzo kohën me familjen
Ngarkesa e një javë të distancon nga njerëzit që do më tepër, por e diela është koha për t’u bashkuar./revistawho.com
