Këtë të dielë në orën 16:00, “E diela shqiptare” kthehet në ‘Fashion Tv’, kjo falë koleksionit të fundit të ‘Joni Peçi Store’. Stilisti i njohur shqiptar ka vendosur që sfilatën e sezonit të ri ta shfaqë në emisionin më të dashur të shqiptarëve.
Të ftuarit VIP nuk do të mëngojnë. Emrat më të njohur të ekranit ku mund të përmendim: Anjeza Maja, Arjola Shehu, Andersa Ambrosio, Alma Bajrami (Miss Shqiperia 2018 ) si edhe 60 modele dhe modelë do interpretojnë stilin e rafinuar dhe praktik të stilistit të suksesshëm Joni Peçi.
Prej 15 vitesh Joni Peçi është në treg me krijimet e tij për artistët më të njohur dhe për paraqitjet në spektaklet më të rëndësishme në Shqipëri. Ai ka zgjedhur këtë herë vendin që dashuron më tepër, ‘Klan Tv’ dhe programin e “E diela shqiptare” për të zbuluar koleksionin e tij të ri.
Kujtojmë se para disa javësh në një mbrëmje speciale, Joni ka hapur dyqanin e tij më të ri, ku mund të gjenden të gjitha veshjet edhe nga koleksioni që do promovohet sot ndërkombëtarisht./revistawho.com
