A e dini se gishtërinjtë e këmbëve tuaja tregojnë shumë cilësi të personalitetit tuaj?! Më së shumti kemi dëgjuar rreth leximit të dorës, por praktika e leximit të këmbëve ka nisur në Kinë rreth 5 000 vjet më parë në te njëjtën formë si refleksologjia. Lidhur edhe me refleksologjine, do bëjmë një përshkrim të shkurtër se si gishtërinjtë e këmbës nxjerrin në pah aspekte të veçanta të personalitetit tonë.
Gishti i madh i këmbës
A jeni kreativ?! Nëse po, atëherë ka mundësi që gishti juaj i këmbës të jetë i madh he në disa aspekte nuk jeni natyra që dini te përqëndroheni kollaj. Nëse keni një gisht të vogël, kjo tregon se jeni të aftë të përballoni edhe ngarkesa të mëdha pune!
Gishti i dytë
Nëse gishti i dytë i këmbës suaj është relativisht i gjatë, kjo tregon se ju keni një natyrë të prirur për të qenë lider, madje një shef prepotent. Në Indinë e lashtë burrat nuk zgjidhnin për gra të tyre femrat të cilat kishin gishtin e madh pasi mendohej se ato bënin shumë pyetje dhe ishin të mërzitshme. E kundërta ndodh kur gishti është më i vogël. Këta lloj njerëzish janë më tolerantë dhe më të kujdesshëm.
Gishti i tretë
Kinezët besonin se kur gishti i tretë ishte i gjatë kishin të bënin me një njeri të shkathët. Ndaj nëse e njëjta gjë ndodh me ju, kjo tregon se jeni një natyrë energjike, këmbëngulëse dhe me vullnet. Karakteristikë është edhe se ata janë njerëz që harrojnë kollaj dhe kënaqen me jetën që bëjnë. Por në rastin e kundërt, me një gisht më të vogël, ai person është më i qetë.
Gishti i katërt
Është gishti juaj i gjatë dhe njëkohësisht pak i mbledhur?! Kjo tregon se keni probleme në familje apo edhe në jetën personale. Nëse nuk është aspak i mbledhur, atëherë familja është mbështetje në gjërat që ju bëni. Kur gishti është i shkurtër atëherë dashuria nuk ndikon aspak në jetën tuaj.
Gishti i vogël
Kur pozicioni i gishtit të vogël është anash kjo tregon që jeni tepër rebel dhe origjinal në atë që bëni dhe nuk jeni aspak të fokusuar në shumicën e rasteve. Nëse keni aftësi për ta lëvizur gishtin në drejtime të ndryshme, kjo tregon një anë tjetër tuajën aventuriere dhe gjakënxehtë.
Jo vetëm madhësia e gishtërinjve është tregues i personalitetit tonë. Edhe harku i këmbës ndihmon në dhenien e një përshkrimi të plotë rreth nesh. Harku i madh i këmbës te shumë njerëz tregon se ata janë të pavarur dhe kënaqen me vetminë e tyre, madje shkojnë deri në pikën e të qenurit anti-social. Nëse ndodh që keni një hark normal të këmbës, kjo tregon se jeni tepër social, i shoqërueshëm dhe ju pëlqen të rrethoheni nga shumë njerëz./intv
