Skandali i tradhtisë midis Jordyn Woods dhe Tristan Thompson bëri bujë në portalet e huaja dhe jo vetëm. Kjo ngjarje zgjati shumë dhe u komentua për një kohë të gjatë nga të gjithë dhe pavarësisht deklaratave të shumta, duket se Khloe Kardashian ende nuk e ka harruar këtë periudhë të errët të jetës së saj. Së fundmi, ajo ka publikuar një shprehje në ‘Instastory’ që ka konfuzuar të gjithë ndjekësit. “Është pak ironike se si zemrat tona prapë lëndohen nga diçka që pritej të ndodhte”, shkruan Khloe, duke nënkuptuar kështu se tradhtitë e Tristan kanë qenë diçka që thellë-thellë ajo e dinte që do ndodhnin. Pavarësisht kësaj, pak kohë më parë, Khloe i doli ish-partnerit të saj në mbrojtje duke thënë se nuk do e urrente kurrë, pasi ai i ka falur dhuratën më të bukur, vogëlushen e saj True./revistawho.com
