“Dash Stores”, është biznesi i veshjeve që motrat Kardashian kanë drejtuar për 12 vite rrjesht. Por duket se ky biznes nuk do të ketë më vazhdimësi, pasi motrat kanë vendosur që të ecin përpara dhe fakti që janë bërë nëna i pengon deri diku. Lajmin e ka bërë të ditur Kim nëpërmjet një postimi në ‘Instagram’ ku falenderon të gjithë ata të cilët e mbështetën gjatë kësaj kohe.
“Pas 12 vitesh unë dhe motrat e mia kemi vendosur që të mbyllim dyert e dyqaneve tona ‘Dash’. Ne hapëm familjarisht dyqanin e parë në vitin 2006 dhe kemi shumë kujtime aty. Pastaj erdhi hapja e dyqaneve të tjerë dhe ky biznes u bë një pjesë e pandarë e jetës tonë. Por kohët e fundit ka qenë shumë impenjuese të mund të merreshim me brandet tona, të ishim nëna si dhe të balanconim punën me familjen. Ka ardhur koha të ecim para. Ju jemi shumë mirënjohës punëtorëve të dyqaneve si dhe fansave tanë për mbështetjen, pa ju nuk do t`ia kishim dalë”, -shkruan Kim në faqen e saj. /revistawho.com
