Si reagon publiku ndaj fituesve dhe humbësve?
Olta Gixhari ka bërë një analizë të plotë, lidhur me situatat në “Big Brother”.
“Kam vënë re një fenomen të çuditshëm te rinia shqiptare. Pse them te rinia shqiptare? Sepse më së shumti ky lloj fenomeni, kaq i shpehtë, ka filluar të ndodhë në rrjetet sociale. Kjo ‘bërtitje’, kjo revoltë e rinisë shqiptare, ndodh sepse ata që komentojnë janë shumë të rinj në moshë. Ndodh pikërisht në Instagram,” thotë ajo në “Instastory”.
“Si ka mundësi që nuk jemi dakord me një fitues? Më bën shumë çudi. Në çdo garë, ai që fiton është ‘i keqi’, dhe ai që humb është ‘i miri’. Patjetër që po i referohem Big Brother-it.”
Duke marrë si shembull përballjen e Gertës dhe Rozanës, ajo tha: “Humbet Gerta, të gjithë bëhen me Gertën, si kurrë më parë. Jam shumë e lumtur për këtë. Por, Gerta nuk ka nevojë për zhurmë në Instagram, ka nevojë për vota. Dhe votimet tregonin një gjë tjetër. Pra, kjo zhurmë në Instagram, papritmas, nuk përkthehet në vota. Më vjen shumë keq për këtë, dhe mund t’ju numëroj disa raste të tjera krejt të kundërta.”
Nuk la pa përmendur dhe rastin e Eglit.
“Ishte Egli në shtëpi: “Nuk e duam, nxirreni jashtë!”. Doli Egli: “U çua e gjithë Shqipëria: ‘Duam Eglin! Ktheni Eglin! Nuk ka kuptim loja pa Eglin!’”. U fut Egli: “Pse u fut? Nuk e donim!”.
“Ne e duam shumë njëri-tjetrin kur e shohim të humbur, kur e shohim të dërrmuar, kur e shohim të trishtuar. Por kur shkëlqen, nuk e duam më. […] Dua që ta doni motrën time edhe kur të fitojë, jo vetëm kur të humbasë. Dua që ta doni dhe ta respektoni për atë që është, për mënyrën se si ka luajtur. Vota është shumë e rëndësishme, nuk janë zhurmat në Instagram,” tha në fund Olta.
