Morena Tarku ka qenë vazhdimisht pjesë e mediave për jetën e saj private, kryesisht për historitë e dashurisë. Pas ndarjes nga miliarderi iranian, Sasha Sobhani, nëpërmjet postimeve në ‘Instagram’, Morena la të kuptohej se kishte nisur një lidhje të re dhe madje ishte fejuar. Pak muaj më parë ajo publikoi një foto me unazë diamanti dhe përkrah saj shkruante: “Une thashë po”, duke i bërë të gjithë të mendonin se ishte fejuar.
Ndërkohë së fundmi në mediat rozë është thënë se këngëtarja shqiptare është në lidhje me biznesmenin, Fatmir Hysenbelliu, sepse të dy kanë publikuar në rrjete sociale foto nga i njëjti vend. Megjithatë Morena nuk ka lejuar që këto thashtheme të përhapen më tej dhe ka treguar si qëndron e vërteta. Ajo ka publikuar në ‘Instagram’ një foto të sajën me përshkrimin: “Siç thashë, unë jam beqare dhe shumë e lumtur”.
Në këtë mënyrë Morena ka shuar çdo dyshim për lidhje apo fejesë. Për më tepër edhe në postimet për ditëlindjen e saj të gjithë vunë re se këngëtaren e shoqëroi vetëm një mikeshë dhe gjatë festimeve ajo u shfaq vetëm me të në rrjete sociale. /revistawho.com
