Ronela Hajati ka 13 vite që nuk i është ndarë për asnjë moment skenës muzikore shqiptare, duke i dhuruar publikut gjithmonë diçka speciale. Këngëtarja e nisi karrierën në adoleshencë dhe gjatë kësaj kohe është rritur shumë nga ana artistike. Ronela ka sjellë një frymë ndryshe mjaft moderne në muzikë, ndaj kjo gjë në jo shumë raste është pritur mirë nga publiku. Megjithatë këngëtarja ka vazhduar gjithmonë përpara për të arritur këtu ku është sot. Së fundmi Ronela ka vendosur të bëjë një përmbledhje të gjithë karrierës së saj muzikore, duke e ndarë në tre kapituj të ndryshëm. Si fillim këngëtarja ka publikuar videot nga pjesëmarrjet e saj në festivale, ku mori famë. “Pas shumë konkurimesh nëpër kompeticionet e talenteve të reja e kuptova që e vetmja mënyrë për t’ja dalë është të merresh vetë me gjithçka! Isha 16 vjeçe me këngën e parë, e sot pas 13 vitesh mund të them me plot gojën që çdo këngë ka qenë e mirë për kohën e saj, shumë emocione, shumë tabu të thyera, kritika, vërejtje, paragjykime, derisa njerëzit janë mësuar me mua! Ju kam në zemër”, ka shkruar Ronela në postimin e saj.
https://www.instagram.com/p/B5SjHBwFjZ0/
Më pas këngëtarja ka publikuar më vete gjithë videoklipet e saj, që kanë bërë më shumë bujë disa vite më parë. Hajati është shprehur se është e bindur që ka realizuar gjithmonë klipet më të bukur në vend, pavarësisht se shumë prej tyre nuk janë kuptuar, apo nuk kanë marrë vëmendjen e duhur në momentet e publikimit.
https://www.instagram.com/p/B5SmVItFnTa/
Në fund Ronela ka postuar një grup me këngët që ka realizuar këto kohë, të cilat janë mjaft ritmike. “Këtu jemi mirë e bukur…pa drama, vetëm nja 10 kilogramë ekstra nga kënga e parë. P.s. Kam shumë njerëz për të falenderuar po me disa nuk flas kështu që po e lë fare”, ka shkruar Ronela, duke u treguar e sinqertë si çdo herë tjetër.
https://www.instagram.com/p/B5Smtq6lRQj/
Pavarësisht se ka një repertor mjaft të pasur, Ronela duket se nuk do të ndalet së bëri muzikë, pasi ajo ka paralajmëruar se së shpejti do të publikojë shumë këngë të reja. /revistawho.com
