Të shijosh minutat pranë motrës dhe bashkëshortit duke pirë verë e duke luajtur, duhet të jetë diçka ideale këto ditë. Pas videove plot humor dhe momenteve kur bashkëshorti i saj, Jakub Kindl fliste shqip, Afërdita së fundmi ka treguar se çfarë bën ajo gjatë gjithë ditës brenda katër mureve. Ajo e ka nisur ditën në kuzhinë pranë motrës, duke treguar se kanë zgjedhur të gatuajnë disa biskota të shijshme. Më pas një lojë me letra ‘Uno’ ka qenë zgjidhja perfekte për t’u argëtuar. Dhe në fund film, verë dhe patatina me Jakub. Duket se Afërdita di si ta shijojë karantinën.
