Heidi Klum dhe Tom Kaulitz kanë qenë në qendër të vëmendjes të mediave ditët e fundit, kjo për shkak të martesës totalisht sekrete të çiftit. Sipas raportimeve të ‘People’, modelja dhe muzikanti janë martuar 2 muaj pasi shpallën fejesën e tyre. Gjithçka ka ndodhur në mënyrë konfidenciale diku në Kaliforni. Siç dihet, historia e dashurisë së çiftit daton që në muajt e parë të vitit 2018 dhe dalja e tyre e parë publike si çift ka qenë në eventin ‘amFAR Gala’ në po atë vit. Përsa i përket martesës, asnjë nga përfaqësuesit e Heidit dhe Tomit nuk ka dashur të japë deklaratë. Kujtojmë se kjo është martesa e tretë e modeles, por të dy duken më të lumtur se kurrë./revistawho.com
