Nëna e Mariah Carey-t, Patricia dhe motra Alison, vdiqën në të njëjtën ditë, tha këngëtarja në një deklaratë.
“Zemra ime është thyer që kam humbur nënën time fundjavën e kaluar. Mjerisht, në një kthesë tragjike të ngjarjeve, motra ime humbi jetën në të njëjtën ditë”, ka thënë ajo.
Këngëtarja fituese e Grammy tha se ndihej e bekuar që kishte kaluar kohë me nënën e saj në javën para vdekjes së saj dhe kërkoi privatësi. Nuk janë dhënë detaje të mëtejshme për shkaqet e vdekjes.
