Në qoftë se do të përgatisnim një listë me emrat e të gjitha vajzave të showbiz-it shqiptar që janë fotografuar qoftë edhe një herë të vetme brenda një vaske, do të numëronim me dhjetra të tilla.
Dikush në një vaskë bosh, një tjetër e zhveshur në një vaskë me petale trëndafili apo edhe me veshje seksi që nxjerrin në pah format e tyre, kanë qenë disa nga alternativat që kemi parë në setet fotografike të vajzave të ekranit.
Pre e këtij “tundimi” duket se ka rënë edhe prezantuesja Alketa Vejsiu e cila ka postuar në llogarinë e saj personale në “Instagram”, një foto të saj brenda një vaske bosh. Por duket se Alketa përtej sensualitetit ka dashur të realizojë një foto me vlera artistike më tepër sesa nxjerrja në pah e hireve të saj.
Së fundmi, prezantuesja po i kushton shumë rëndësi imazhit të saj dhe marketingut. Të dyja së bashku janë një atribut i shtuar për biznesin dhe karrierën e saj në televizion.\revistawho.com
