O po të pres te guri oo. E mbani mend këngën? Poo, grupi “Produkt 28” nuk mund të harrohet dhe pikërisht për këtë kemi një lajm të mirë. Do të kemi rikthim. Kjo është konfirmuar nga njëri prej djemve, Alban Kondi, në një intervistë në “Aldo Morning show”.
Aldo: Kjo do të thotë që “Produkt 28” do zgjohet? Do zgjohet në një moment “Produkt 28”?
Alban Kondi: Shpresoj shumë shpejt.
Alban Kondi: Ne në fakt kemi filluar që vitin e kaluar, që të kemi një projekt.
Alban Kondi: Si “Produkt 28”.
Aldo: Kryevepër, një super lajm. Një super lajm.
Alban Kondi: Ne kemi filluar që vjet, fiks në Nëntor të vitit të kaluar. Jemi ulur për të…
Aldo: Ne s’dimë gjë ndërkohë?
Alban Kondi: Jo jo. Po e merr vesh tani, lajmi i mëngjesit.
Aldo: Pra rikthehet grupi “Produkt 28”, mund ta shkruajmë kështu?
Alban Kondi: Jo jo, nuk është vendosur që do rikthehemi. Ne po mendojmë se si mund të rikthehemi. Ka një formë që mund të rikthehemi.
Aldo: Po mirë, atëherë ta shkruajmë: “E kanë ndarë mendjen, do rikthehen”.
Aldo: Ky është titulli, ky është titulli.
“E kemi shumë qejf. Kemi filluar që në nëntor të vitit të kaluar, një tentativë për të gjetur një formë… Ideja është që nëse vijmë, ne do të vijmë në një formë që të jemi të 3 të kënaqur. Nuk ka asnjë lloj hezitimi. Thjesht ne duam që të vijë momenti. Nuk është se kemi ndonjë… Të shfrytëzojmë këtë kohë, apo të nxjerrim një këngë për të qenë lajm i ditës“.
