Diellin e të premtes, Enca ka vendosur ta shijojë duke kaluar pak kohë me ndjekësit, të cilët kanë gjithmonë kuriozitet për stilin e jetesës së saj.
Pyetjet e drejtuara prej tyre kanë qenë nga më të ndryshmet që nga virgjëria, lëndët e ndaluara, preferencat seksuale apo dhe lidhjet e dashurisë. Dhe për të gjitha këto Enca ka treguar sërish se nuk ka pikë kompleksi që të përgjigjet.
“Ti je lezbike (rumors said)”, ka shkruar një prej ndjekësve, ndërsa Enca duke qeshur i është përgjigjur: “E pavërtetë. Do doja të isha ndonjëherë sepse meshkujt ta shpifin. Por nëse do të isha duhet ta dini të gjithë se jam e hapur për ta treguar. Shumë dashuri për komunitetin Lgbt”.
Më tej ajo ka pohuar se virgjërinë nuk e ka “humbur” siç i shkruajnë, por e ka dhuruar. Ndërsa përsa i përket jetës sentimentale, ajo ka mohuar lidhjen me një reper shqiptar, sepse në jetën e saj ka nevojë për një burrë të vërtetë.
“Kjo është ‘cool’ vetëm kur je adoleshente. Gratë e rritura meritojnë burra të rritur. Unë kam miq reperë që janë shokë shumë të mirë, por nuk mendoj se lidhjet me reperët janë të shëndetshme”, ka shkruar Enca./revistawho.com
