Ka vetëm pak muaj që ka sjellë në jetë të voglin e saj Lian dhe këngëtarja nga Prishtina, Vesa Luma, do të rikthehet në muzikë. Edhe në ditët e fundit të shtatzënisë nuk i la pas projektet muzikore dhe këngët e regjistruara, por edhe tani, me gjithë kohën e plotë që i merr i vogli, Vesa nuk e ka lënë mënjanë muzikën. Këtë e ka treguar edhe nga fotot e fundit të postuara në profilin e saj në Snapchat, ku Vesa tregon se po merret me xhirimet e klipit të ri. Duke u përgatitur në një studio make up-i, në njërën prej fotove të postuara, ajo shkruan “Angel…”, por pa theksuar nëse do të jetë ky titulli që do t’i vendosë këngës së saj të re. Ndërsa në fotot e tjera, Vesa tregon edhe se këtë herë do të vijë me një look të ri, ndryshe nga herët e tjera. Ende nuk ka zbuluar asgjë nëse kënga do të jetë bashkëpunim apo këngëtarja do të vijë si soliste, por ajo që kuptohet për momentin, nëse titulli do të jetë “Angel”, është dedikimi, shkruan “Revistaclass.al”. Lian është, pa dyshim, personazhi engjëllor që do t’i kushtohet kënga e re e mami Vesës.
