Gjiko, reperi nga Kosova është kthyer tashmë në një nga më të pëlqyerit në tregun muzikor shqiptar dhe këngët e tij dëgjohen kudo. Sot Gjiko publikoi bashkëpunimin e shumëpritur me Melindën. Kënga ka gjeneruar mijëra shikime në Youtube me një sukses të madh, ashtu siç pritej. Përveç këngës ritmike, klipit veror, formave bombastike të Melindës, në sy ra edhe një detaj i veçantë, kërcimi i Gjikos. Reperi në shumicën e klipeve të tij shfaqet duke sjellë kërcime të reja dhe kështu ka ndodhur edhe me klipin “X5”. Menjëherë komentet kanë qenë të shumta për kërcimin e Gjikos i cili nuk është hera e parë që tërheq vëmendjen me lëvizjet e tij. Kujtojmë që edhe kërcimi në këngën “Si Bugatti” bëri bujë dy vite më parë./revistawho.com
