Një nga momentet më të diskutuara deri tani në këtë edicion të Big Brother VIP Albania është hyrja e Amber, banorja e parë transgjinore në këtë format.
Amber ka tërhequr vëmendjen e publikut jo vetëm për lojën e saj, por edhe për një detaj interesant: ngjashmërinë fizike me ish-konkurrenten e njohur, Efi Dhedhes.
Që në daljen e saj të parë, rrjetet sociale janë mbushur me komente dhe krahasime që theksojnë ngjashmëritë mes Amber dhe Efit. .
Efi, e cila fitoi zemrat e publikut në sezonin e kaluar të Big Brother VIP, nuk qëndroi indiferente ndaj këtyre krahasimeve. Ajo vendosi ta përballojë situatën me humor, duke publikuar një video në Instagram. Në këtë video, Efi falënderon Amberin për “përfaqësimin” e saj në këtë sezon të spektaklit, duke thënë:
“Një ditë e bukur sot, sepse gjithmonë kam ëndërruar të bëhem meme. Nuk e di pse jam kaq serioze, nuk e di pse s’më keni bërë asnjëherë meme. Gjithsesi, kjo ndryshoi, sepse tashmë unë jam futur në Big Brother, po, në trupin e Amberit. Falënderoj Amberin që po më përfaqëson dhe uroj të më përfaqësojë denjësisht.”
Reagimi i saj ka bërë që shumë fansa të vlerësojnë anën e saj humoristike dhe të relaksuar, duke e kthyer këtë situatë në një moment të dashur për publikun.
Pavarësisht krahasimeve, Amber dhe Efi mbeten figura unike, secila me personalitetin dhe qëllimet e saj. Amber ka spikatur si një lojtare e fuqishme dhe si përfaqësuese e një komuniteti të rëndësishëm, ndërsa Efi ka fituar zemrat e publikut me natyrshmërinë dhe spontanitetin e saj.
