Alketa Vejsiu po ndan në internet copëza nga programi me Ermal Mamaqin, kur të dy ishin në makinë. Me të parë këto imazhe, prezantuesja ka marrë një lumë kritikash lidhur me faktin se përgjatë gjithë xhirimit ishte pa rrip sigurimi. Vejsiu ka reaguar sot duke kërkuar në një farë mënyre, një ndjesë publike. “Rripin e sigurimit e paskam harruar pikërisht atëherë kur duhet të jepja një mesazh të rëndësishëm. Por s’do ta harroj më në episodet e tjera. Harresa është njerëzore! Por jemi të gjithë të ndërgjegjshëm që disa rituale të vogla, ruajnë dhe shpëtojnë jetën!”, ka shkruar ajo. Kujtojmë se së shpejti Alketa do të nisë një program të ri i ambientuar i gjithi në makinë, që do të quhet “Road trip me Alketën”, dhe rripi i sigurimit do t’i duhet./ revistawho.com
https://www.instagram.com/p/BRkna34g0H_/?taken-by=alketavejsiu
