Ditën e djeshme, Enca publikoi këngën e saj më të re ‘Jealous’. Vetëm pak orë pas lançimit në ‘Youtube’, kënga është komentuar gjatë nga fansat e këngëtares, kjo për shkak të disa vajzave në videoklip, të veshura vetëm me bikini, që kërcenin në mënyrë provokative rreth këngëtares. Menjëherë pas këtyre kritikave, Enca ka publikuar një video shkëputur nga kënga dhe ka shkruar se nëse do të ishte mashkull, prania e këtyre vajzave nuk do ishte ndonjë problem i madh. “E adhuroj qënien e femrës dhe me këtë këngë dua që të gjithë femrat (dhe jo vetëm) të përqafojnë sensualitetin e tyre”, ka vazhduar Enca. Kjo nuk është hera e parë që Enca shpreh mbështetjen e saj për femrat dhe duhet të themi se të njëjtën mbështetje e ka marrë dhe ajo në çdo projekt të sajin./revistawho.com
https://www.instagram.com/p/B0IwnmyAMOs/?igshid=1cjypubsitfu2
