Ditën që lamë pas, Stormi ka festuar ditëlindjen e saj të parë. E vogla e Kylie Jenner dhe Travis Scott ka qenë në qendër të vëmendjes gjatë 1 shkurtit dhe të gjithë i kanë dedikuar pak fjalë të ëmbla. Krahas urimeve nga familjarët dhe fansat, ra në sy edhe fakti që Kourtney Kardashian nuk shkruajti për mbesën e saj, siç bënë Kendall dhe Kim. Në vend që të shkruante diçka për të voglën, bukuroshja e ekranit publikoi një foto të sajën me të brendshme dhe shkroi: “Jam e zënë deri në një lajmërim të dytë”.
https://www.instagram.com/p/BtWTI-YHadT/
Sigurisht që ky detaj nuk i shpëtoi ndjekësve të saj në ‘Instagram’. Njëri prej tyre i komentoi: “Urimi më prekës për Stormin”.
Megjithëse Kourtney nuk reagon shpesh në komentet që i bëjnë në foto këtë herë nuk ka duruar dot. “Ajo nuk ka ende ‘Instagram’, por nëse po e lexon këtë, Stormi gëzuar 1-vjetorin”,-u kundërpërgjigj ajo me ironi. Kaq duket se ka mjaftuar për të ndalur fjalët dhe akuzat ndaj saj./revistawho.com
