‘Chonga’ është kënga që e ktheu Tuna Sejdiun fuqishëm në tregun muzikor shqiptar. Brenda pak javësh kënga numëron me miliona shikime në ‘Youtube’ dhe është shndërruar në hitin e kësaj vere, pavarësisht se u publikua me pak vonesë. Për klipin e saj këngëtarja kishte zgjedhur një vend mjaft të veçantë, diku jashtë trojeve shqiptare. Në klipin që është prezantuar për publikun gjithçka duket e kuruar me detaje, por duket se puna për Tunën nuk ka qenë aspak e lehtë. Ajo ka publikuar ditën e sotme një video nga prapaskenat dhe në të ajo shfaqet e lodhur dhe e përgjumur. Me siguri kjo vjen prej xhirimeve me orë të zgjatura, por Tuna ja ka dalë mbanë më së miri, sepse siç thotë ajo “përvoja bën të vetën”. /revistawho.com
