Ronela Hajati ka ndarë një mesazh të gjatë në “Instagram”, ku shfaqet e lodhur, e zhgënjyer dhe e prekur nga komentet fyese që i drejtohen shpesh.
Sa herë më vjen të shkruaj, të shfryj duf, e sa herë të tjera më kujtohet kur e kam bërë dhe çdo gjë ka shkuar në vesh të shurdhët. Ndonjëherë ndihem kaq e ngecur në të njëjtin cikël, i cili bëhet edhe më mbytës me 100 përgjegjësi që shtohen përditë; me një punë që sytë e pasionit dhe dashurisë për muzikën i ka zhytur në një gropë toksike komentesh të ndyra, por po aq të pavlera njëkohësisht, ndërkohë që duhet të këndosh e të gëzosh ata njerëz që shumica do murmurisnin ndër dhëmbë: ‘Kush e ka këtë?’, ‘Ç’është bërë kjo kështu?’, ‘Operacionet’, ‘Lopë’, ‘Ç’i duket vetja?’.”
Më tej ajo vijon, e lënduar nga pandjeshmëria e të tjerëve:
“Ndërkohë mund t’i kesh lotët në grykë, se ke fatura mbi shpinë, familje mbi shpinë, fëmijë që të presin, një dashuri që s’e ke më, prindër që kanë shpresat te ti, prindër të sëmurë, punë burrash që i kemi bërë që 20 vjeç pa mbështetjen e askujt. E ndonjëherë, në këtë vend, edhe pse s’jam si të gjithë, më ka dhënë qindra e mijëra arsye ta lë e s’e lashë… vazhdoj e më dhemb pyetja: Pse jemi kaq të ligj, kaq shpesh?”
Në fund, ajo e mbyll me zhgënjim:
“E nëse sot duhet të jemi falenderues, përveç shëndetit, jemi bërë të falenderojmë Zotin që kemi zemër të mirë.”
