Roza Lati është bërë kryefjala e mediave rozë së fundmi. Qëkur moderatorja vendosi të ndajë me publikun disa foto ku duket qartë një marrdhënie e afërt mes saj dhe ish-banorit të Big Brother Vip 3, Xhonatan Islamit, komentet nuk kanë reshtur.
Ndërsa të gjithë presin një konfirmim prej tyre, Roza ka vendosur të mos japë asnjë deklaratë.
Por, në një video të postuar në rrjetet e saj sociale, Roza duket se ka diçka për t’i thënë ndjekësve të saj kuriozë rreth gjithë zhurmës që është shkaktuar.
“Edhe se në fakt i shmanga mikrofonët dhe nuk doja të prononcohesha sepse kështu e kam zgjedhur unë këtë periudhë të jetës sime, ndonëse kam marrë shumë ftesa edhe për emisione të ndryshme, nuk është momenti që unë të dal të prononcohem sepse do të dal kur të jetë momenti i duhur për mua se unë kështu e vendos.
Nuk dua t’i jap shpjegim njeriu për momentin për këtë periudhë sepse kur të jetë momenti i duhur, unë di vetë sesi i informoj zemrat e mia, e zgjedh unë kur dua të flas për jetën time,” tha Roza.
