Cardi B shfaqet e kuruar deri në detaje në çdo dalje të saj publike dhe kjo falë artistes së saj të makeup-it, Erika LaPearl. Ajo është shprehur ekskluzivisht për ‘Hollywoodlife’ se është shumë e lumtur që punon me reperen e njohur, pasi ajo i jep mundësinë që të jetë e lirë në atë çfarë bën.
“E dashuroj faktin që Cardi B më lejon të bëj punën time. Ajo e di kreativitetin tim dhe nuk tregohet tekanjoze për ‘look-et’ që unë zgjedh për të. Cardi është e duruar me mua prandaj unë e dua shumë”, u shpreh Erika për revistën e njohur.
Ajo shtoi gjithashtu se 26-vjeçarja e mbështet tej mase dhe se i ka dhënë çdo mundësi që ajo të jetë e lirshme në artin që krijon. Ekspertja e kozmetikës zbuloi më pas dhe një nga trendet më të reja të makeup-it. Ngjyrat e shndritshme dhe me xixa do të jenë shumë në modë për muajt në vazhdim./revistawho.com
