Arbana Osmani ka reaguar pas valës së komenteve dhe reagimeve që kanë shpërthyer në rrjetet sociale, pas njoftimit se Fero do të jetë i ftuari i radhës në podcastin e saj “Mirmëbrëma YJE”.
Në një postim në Instastory, moderatorja theksoi se i ka lexuar të gjitha reagimet që kanë qarkulluar lidhur me pjesëmarrjen e reperit dhe se respekton mendimin e secilit ndjekës, duke e parë gjithë këtë debat si një formë vlerësimi për punën e saj.
“I kam lexuar të gjitha reagimet në rrjet lidhur me pjesëmarrjen e Feros tek @mirembremajuve. E respektoj mendimin e secilit prej jush dhe e marr si shenjë vlerësimi ndaj meje të gjithë këtë ‘tymnajë’. Por besoj se është e udhës që, përpara se të dalim në përfundime të nxituara, të dëgjojmë dhe të kuptojmë arsyen kryesore pas kësaj ftese,” shkruan Arbana.
Moderatorja ftoi ndjekësit që ta ndjekin episodin e plotë përpara se të formojnë mendimin e tyre, duke theksuar se gjithçka do të kuptohet më qartë në momentin e publikimit.
