Një këngëtare e njohur shqiptare gjatë ditës së sotme (e mërkurë) është përfolur në disa media për një martesë të mundshme me vëllain e aktorit të njohur Blerim Destanit, Selimin. Madje thuhej se ky i fundit, i ka dhuruar edhe një vilë luksoze këngëtares në Dusserdolf.
E kontaktuar nga Telegrafi, këngëtarja Shkurte Gashi ka mohuar kategorikisht një lajm të tillë.
Ajo dhe menaxhmeri i saj kanë thënë se lajmet për jetën e saj private janë cënim i privatësisë, njëlloj si ky lajm i cili nuk është i vërtetë. Këngëtarja ka thënë se kur të ketë diçka konkrete në jetën private, do të bëjë të ditur për fansat aq sa është e nevojshme.
