Në një moment të sinqertë dhe emocional në “Goca & Gra”, Neda Balluku vendosi të ndajë publikisht atë që prej kohësh ishte thashetheme në media: fundin e martesës së saj me Ogren Ballukun, pas një dekade bashkë dhe tre fëmijëve.
Moderatorja u shfaq e prekur teksa pranoi se lidhja e tyre prej kohësh kishte hyrë në një periudhë të vështirë, e cila përfundoi duke i çuar në rrugë të ndara.
“Megjithatë prej shumë vitesh tashmë, marrëdhënia nuk është e shëndetshme, prej disa kohësh jetojmë të ndarë dhe kjo është gjithçka dua të them për këtë sepse do doja shumë këtë moment ta menaxhoja me privatësi sepse prioriteti më i madh i vetëm janë fëmijët. Mendoj se duhen mbrojtur, duhet të jemi afër dhe gjej rastin t’u them se mami ju do shumë, jeni jeta ime”, u shpreh ajo e përlotur.
Neda theksoi se pavarësisht gjithçkaje, përkushtimi i saj kryesor mbetet te fëmijët dhe privatësia e tyre, duke refuzuar të japë detaje të mëtejshme rreth ndarjes.
Me këtë deklaratë, ajo i dha fund zërave që qarkullonin prej kohësh, duke e konfirmuar zyrtarisht se ndarja ka ndodhur dhe se të dy jetonin në shtëpi të ndryshme.
