Ishte një nga konkurentet më të veçanta përsa i përket stilit të veshjes por edhe vokalit të saj. Me fustan tyl dhe atlete, me veshje disi klasike kombinuar me kambale, të gjithëve na kujtohet një nga konkurentet që ka spikatur në edicionin e parë të spektaklit të talenteve ‘X Factor’. Bëhet fjalë për Festina Mejzinin, e cila ishte pjesë e skuadrës së Juliana Pashës.
Performancat e saj vlerësoheshin gjithmonë pozitivisht nga anëtarët e jurisë në atë kohë. Pas përfundimit të spektaklit, Festina u tërhoq disi dhe i pati të pakta daljet e saj publike. Në vitin 2016 ajo mori pjesë në ‘Këngën Magjike’ me këngën ‘Si dielli hanën’, dhe më pas në bashkëpunim me grupin ‘NA’ konkuroi në Festivalin e ‘56 të Këngës në RTSH, me këngën ‘Tjetër jetë’. Ndërkohë, karriera e saj është përqëndruar më tepër tek performancat live në club-et e natës.
Zëri i Festinës i duhet muzikës shqiptare, kështu që presim produksione të reja prej saj.\revistawho.com
