Grupi “Aurora” prej kohësh nuk ka sjellë material të ri muzikor, por hit-in e tyre “Larg je ti”, me siguri e kujtojnë të gjithë. Kur u prezantuan me publikun, pjesëtarët e këtij grupi ishin adoleshentë, por tanimë ata kanë ndryshuar status. “Prive” në Kosovë ka njoftuar se këngëtari Yll Valla është bërë baba për herë të parë. Ai dhe bashkëshortja e tij Albulena, janë bërë me djalë. Siç shkruajne mediat kosovare, këngëtari punon në një prej dikastereve qeveritare, por flitet se bashkë me Nazin kanë në plan t’i rikthehen muzikës.
